الارشيف الكامل الارشيف الكامل للمنتدى

انواع الشعر الشعبي...موسوعه كامله

انواع الشعر الشعبي...موسوعه كامله أخواني و أحبابي ولو راح أطوّل عليكم أحببت أن أعرّفكم بأصناف الشعر الشعبي العراقي و أطرح بعض الأبيات التي أعتبرُها و يعتبرُها العراقيون من الأبيات

إضافة رد
 
أدوات الموضوع إبحث في الموضوع انواع عرض الموضوع
قديم منذ /08-10-2011   #1

عبيديه وافتخر


 

 رقم العضوية : 63
 تاريخ التسجيل : Aug 2011
 المگان : العراق
 المشارگات : 804


عبيديه وافتخر غير متواجد حالياً
حصري انواع الشعر الشعبي...موسوعه كامله


انواع الشعر الشعبي...موسوعه كامله

أخواني و أحبابي ولو راح أطوّل عليكم

أحببت أن أعرّفكم بأصناف الشعر الشعبي العراقي و أطرح بعض الأبيات التي أعتبرُها و يعتبرُها العراقيون من الأبيات الرائعة كونها تـُحاكي المجتمع العراقي و كأننا نقرأ حالة إجتماعية موجزة في بيتين من الشعر كتبَها أحد الشعراء و قد يَجد له ردّاً من شاعر آخر..

أولاً / الشعر الشعبي العمودي :

و هو مَبني على صَدر و عَجز و قافية واحدة أو أكثر و تـُستعمَل فيه كل اللهجات العراقية المُختلفة مثل اللهجة البغدادية أو المُوصِلـّية أو لهجة أهل الجزيرة أو لهجة أهل الرمادي أو لهجة أهل الجنوب ... حسب إنتماء الشاعر الجغرافي . و هو من أكثر أنواع الشعر الشعبي شيوعاً و إنتشاراً و يُعالج المواضيع المُختلفة. و هُـنالك آلاف القصائد من هذا النوع و هذه قصيدة للمُبدع مالك الحزين يُصَوّر فيها موقف لمّا أراد أن يُصارح حبيبته بحُبّـه ( لهجة سكـّان الجزيرة - وسط و شمال غرب العراق) :

إنتَ عينك على شِفـتي ..... و آنة عيني على الشِفايف
و آنة كِل عظامي تِرجف ..... إنتَ خايف و آنة خايف
شلون هَسّة ؟ مِنهو يحچي ؟ ..... مِنهو يبدي بالسوالف
إنتَ لو آني دِخيلك ..... مو هِمِت و گلبيي تالف
أدري بعيونك تحِبني ..... و گلبي لِعيونك مُوالِـف
بَس تعال للـّي يحچي كِلمة ..... بلا خجَل و بلا مَخاوف
ما خِجَلت بيوم مَـرّة ..... و بالحَچي شايف و عايف
و ياما ياما لساني غازل ..... و سَكـّتِت ياما مضايف
و هَسّة أريد أحچيلي كِلمة ..... مِرتِبك جسمي يتراجَف
و إنتَ شو هَم مِثلي تِرجف ..... و بالعَرَگ شو هَم مِثلي طايف
إشصار بينة ؟ إشمَر علينة ؟ ..... شكِثـر مَرّينة بمواقِف
ما خِجَلنة و ما رجَفنة ..... و ما نِبوگ العين طارف
چَنهة مو كِلمة أحبّـك ..... چَن جبَل بگلـَيبي واگف
و أريد أگِلـّك شِنهي هِـيّـة ..... كِلمة لو جُـرُم و مخالِف
شو أحبّـك حيل أحبّـك ..... كافي عَرگانين و ندَوّر مَناشِف


ثانياً / الشعر البدوي :

و ينتشر هذا النوع من الشعر في المناطق الغربية من العراق و لا يقـتصر نظمه على أهل البادية بل يتعدّاه إلى العديد من الشعراء في المناطق الحضرية . بحُكم أن نِسبة لا بأس بها من سُكـّان العراق كانوا من سُكـّان البادية و لِحَـدّ الآن .

و لشاعر كلمات كتبها بلهجة بادية العراق الجنوبية الغربية (أقرب للسعودية) :

گالت أحبك شوف هذه دَمعتي
گلت الدموع أشكال و تبكي التماسيح

گالت لي والله و گلت و إذيا حَلفتي
يحلف حرامي الليل لأجل التباريح

گالت حياتي ليل و إنتَ شمعـتي
گلت و يا بنت الناس أشري مصابيح

گالت إبّحر الشّوگ تاهَـت رحلتي
گلت البحور تخون خير المَلاليح

گالت وشّو هونت ؟ گلت إشّفهَمتي
ماني بغرامِك كِنت ريشة فوَسَط ريح

گالت و جرح الروح ؟ گلت إنجرَحتي ؟
گالت أجل مِنـّك شِفِـت التِجاريح

گلت و أنة شسَوّيَت ؟ إنتِ غِلطتـّي
حَبّيتي بَس الحُب يَبْـغـي تـَصاريح

گالت و فيه غيري ؟ گِلت إنهِـبَلتي ؟
گلبي خزينة شوگ و ماله مفاتيح

گالت إذَن الفراگ ؟ گلت و حِكمِتي
گالت تِظل نـَدمان ... گلت و فلا بيح

گالت إنتَ مَغرور گِلتِـلهة و إنتِ
كَذابة و تـُودّين في شِباكِك نِطيح


ثالثاً / الدارمي :

وهو صِنف من أصناف الشعر الشعبي و قد إشتهر في المحافظات الجنوبية و خاصة محافظة الناصرية و يتكوّن من بيتين فقط . و يُقال إنـّهُ سُمّيَ بـ ( دارمي ) نِسبةً إلى بلاد كانت تـُسَمّى (دار مَي) و نشأ فيها هذا النوع من الشعر و هو يطرح مشاكل أو مواضيع بإسلوب مُكـَثـّف و جميل .
و يأتي الدارمي لعدة أغراض منها :
1- الترحيب بالضيف:


أهلاً و سهلاً بيك و أكثر بـِالوياك
الگلب گبل العين فـَـز و تـِلگاك


2- التحذير لِئلاّ يَحزن الذي يزورهم بفراق العزيز:

بالك تمُر بالدار عَـنهة إشمر بعيد
دار العَـزيز هواي نـَوح و بَچي تريد


فـَيُرَد عليه :

عَمْداً أمر بالدار و النوح أزيده
و أسمَع صَداهة يگول راح التِريده


أو :

عَمداً أمر بالدار و أشبَع مَغـَمّة
و أبْچي بَچي المَفطوم من يذكر اُمّه



3- آخر يشكي حَظـّه المُتعـَثـّر:

الدِنية بَس وياي شدّت عَداوة
ولا واحد من الناس لِجروحي داوَة


فيُؤيدهُ آخر :

الدِنية لِلتِهواه ترگِص إمفـَرعـة
و آنة تِجيني بموس و تگِلـّي إبلعَه


4- آخر يَشكي فـُرقة الأخوان:

يا عازة الخـُوّان عازتهة عازة
و الما وراهة صِياح وَحشة الجـِنازة


و يُرَد عليه :

چا شِلـّي بالخـُوّان و الما ينفعون
عود من أموت إيجون وَيّ اليشَيعون



رابعاً / الأبوذيّة:


هو أحد أنواع الشعر الشعبي و يتكوّن من أربعة أشطر تـُسَمّى البيت . الثلاث الأولى تنتهي بلفظ واحد أو مُتـقارب جدّاً و الشطر الرابع لا بُدّ أن ينتهي بكلمة نهايتها ( يـّة ) و يسَمّى الرباط ولا بُدّ لِلـَفظ المُشترك في الأشطر الثلاث أن يكون في كلّ شطر يعـطي مَعنىً غير الشطرين الآخرين و بذلك يكون لفظ واحد بثلاث معاني.

و أوّل من قال و نظم شعر الأبوذيّة هُم أهالي سوق الشيوخ و لديهم باعٌ طويل في نـَظمِه بالإضافة إلى باقي أنواع الشعر الشعبي. و تـتمَيّز الأبوذيّة أنّها تـُنظـّم في الأحزان و الفـُراق و لِذا أخذ إسمه مِنها ( أبو الأذيـّة ) و شاعت الأبوذيّة بهذه الصيغة نتيجة اللـّهجة العاميّة لِلمَنطقة.


مثال على ذلك :

ياروحي لِليُودّچ حَيَل وِدّيه
إله حِنـّي و چثير الشوگ وَدّيه
عَلي واجب لزوم أگضيه و أدّيه
إلك ياللـّي كِثـَر فـَضلك عَلـيّة

و حَگ آية عَصا موسى و سينا
إلك حَثـّت رجايبنه و سينا
إلك حِسن النبي يوسف و سينا
إلي و النور إلك و النار إلِـيّة

كِل مُغـرَم برَت عِلـّته وناله
سعيد اللي حِضة بشَخصك و ناله
الطارِش من سِمَع نوحي ونى له
تِرَك شِغله و بچة رَحمة عَليّة

بنار الهَجر يا مُهجة دِموعاي
على مصابي السِمَة تمطر دموعاي
شما هَلـّن يادندوشة دموعاي
حَسناتـِچ تِتبَدّل بألف سَيّة

ياروحي بَسّچ من اللـّوم عِنـّي
و طارش لِليوِدّچ دوم عَنـّي
شلون أنشِد على الما نِشَد عَنـّي
أوِنـّن عَاليوِن دايم عَليّـــــة



و الأبوذيّة أنواع :

* المطلق و المولد :


هاتان التسميتان هما لنمط واحد من الشعر و هو النمط التقليدي للأبوذيّة و لكن يكمن الفرق بأن الأبوذيّة المطلق تأتي من فِـكر الشاعر و إحساسِه كما في هذه الأبوذيّة :


تشوف همومي بعيونك و تـَرها
و تغيب و تِگطع بروحي وَترها
يرَهّيك الوكِت ياسْمر وَترها
وتصير إنتَ أبو الرّاهي عَليّة



* أما الأبوذيّة المولد فيكتبها الشاعر مُستعيناً بخيال غيره من شعراء الفـُصحى و ذلك بأن يبدأ الأبوذيّة ببـيـت أو بـيتيـن من الشعـر الفصيح و من ثم يـبني عليهم أبوذيّـته كما في المثال التالي :


يقولون لـَثم الغانيات مُحَرّمٌ و سَفك دَماءِ العاشقين مُباحُ
لا بُدّ من حي الحبيب زيارة ولو رُكّـزت حولَ الخيامِ رماحُ

روحي برَشِف خـَدّك من عداهة
أحب وَصلك و أهابك من عداهة
فراگك يوم أحمله من عداهة
أزورك لو تصير أحزاب إليّـة



* الأبوذيّة المِشط :


هي مجموعة من الأبوذيّات المُتصلة المُترابطة و كل ثلاثة أشطر تليها ثلاثة أشطر أخرى أما الشطر الرابع المُكَمّـل للأبوذيّة فهو يأتي في نهاية المطاف بعد أربع أو خمس أبيات و أكثر كما في هذا المثال :


الدَهر يا صاح بالفـُرگة ولانة
ولا نوبة إنكِسَر گلبي و لانة
لا إنتَ عرَفِت الحُب ولا نة
نِسينا الشوگ و أخلفنا وَعَدنة
وعلى الهِجران رَدّينة و عِدنة
هذا من الوكِت و الحب وَعَدنة
يفـر بـيّـة الوكِت نوبة و أفر بيه
و من ثلج العمر دَربي وَفـَر بيه
أشرد وَيَن أنة بگلبي و أفـُر بيه
بـدَرُب مَسْدود و مَتية مَحَلـّة
دموعي چَم ذنب گلبك محله
بعد طير بضباب أبداً محله
ولا أظن بعد نِتلاگة سُويّـة



* الأبوذيّة المدوّرة :

يُطلق على الأبوذيّة بالمدوّرة عندما يكون المَعني بالشطر الثالث غير واضح و مَبتـور فيُـكمّله البيت الرابع كما في المثال الآتي :


عَگلي يا ترِف حُبّـك و جَن بيك
من الجوري يامَحبوبي وَجَن بيك
إجيت إنتَ على وَعدك و إجَن بيك
ليالي الفـَرَح و أيّـامي زِهِـيّـة



* التطريز بالأبوذيّة :

فن التطريز فن قديم تواجَد في الشعر العربي الكلاسيكي و تواصل إلى الأبوذيّة و يُقصد منه بأن يبدأ جميع الأشطر بأحرف إسم مُعيّن كإسم الحَبيبة أو الصديق أو ما شابَه ذلك كما في هذا المثال المُطـَرّز بإسم زينب :


ز - زهرة بغـصِن عُمري تفوح بـِتـنة
ي – يا صورة على وسادة فـَرَح بـِتنة
ن – نـَغـَم رافـَگ بتوت الگـلب بتنة
ب - بشاير فرَح مِنهة تهـِل عَـليّـة



خامساً / الزهيري :


و هو من أنواع الشعر العراقي الجميلة و فيها يكون الزهيري مُكَـوّن من سَبعة أبيات الثلاثة الأولى تنتهي بكلمة و الثلاثة الثانية تنتهي بكلمة أخرى ... لِـيعود البيت السابع ليُخـتـَم بنفس الكلمة في المَجموعة الأولى بشَرط أن تـتـشابه كـُل مجموعة من الكلمات لفظياَ و تختلف في المعنى .
و هذا البيت من الزهيري مثال على ذلك ( بلهجة أهل الرمادي ) :



بغداد ما تِنحني لا تظن تِذلها الهَمَر
بغداد تـُبقة عـَلم و شكـَم غـزو إلهة مَر
خـَيْرات تِسگي البشر و إللـّي أنسكة إلهة مر
تِسألني ظـَلـّت زِلِـم ؟ إي والله ظـَلـّت أجَـل
تِضرب و يشهَد زُحَـل ما نال مِنهة وِجَـل
سيفك يَخَي جَرْدَه كِـل روح و إلهة أجل
حتـّى الگلب ينمرد لـَمّن يشوف الهَمَر


أو البيت الآخر للشاعر المُمَيّـّز مالك الحزين ( لهجة وسط و شمال غرب العراق) :


ما رحتي هذا الگلب بوصال مَرّة إنتِ
و مَرّنتي گلبي على الهجران مَرّنتيه
رِدنة تـُمِرّين مَرّة بشوگ مَرّة إنتِ
ما رِدنة مِنـّچ ذهب بَس شوف وَجهـِچ بس
و شَحّـيتي بمواصلِـج ليما هِرشنة يبَس
حِلوة و شَبيهة گـُمَر و عيون تِسحَر... بَس
مَرّة إنتِ رُغم الحَلاة البيـچ مُـرّة إنتِ



و تـتفرّع عن الزهيري أنواع أخرى مثل اللغـز و الذي تكون فيه كلمات الزهيري مُشتـقـة من كلمة واحدة

مثل قول الشاعر :

عيونك دِيرتي تِدري و داري
و دِرَت ديرَتنة يا دِرّتي أداري
بيك و ما داري و أداري
دموع العين لو سالت و سالت
سؤال تريد ما تسإل و سالت
سَل عَـنـّي تِسَلـّي روح سَلـّت
سِألتـك بالـذي عالِـم و داري



و كذلك قول آخر لمالك الحزين :


دُور بدينـَك يا غالي الروح في دينك
إنك تِجافي الذي مَديون إله ديَـنك
بالعَجَل جَـتـّي النهاية و تـَونة بادينك
ورَيَت گلبي و لا عالماي تِحضَرني
و طيوفك بشوگ كِل مِشوار تِحضرني
چانت اُمنيتي گبل لا أموت تِحضرني
تِغـَمّض لي عيني يا ساهي العين بإيدينك



سادساً / العتابة :

و هي تشبه الأبوذيّة من ناحية إشتمالها على أربعة أبيات إلا أن البيت الأخير ينتهي بكلمة تنتهي بالمقطع ( اب ) و هذا النوع غالباً ما يزدهِـر في المناطق الوسطى و الشمالية من العراق
و مثال ذلك قول الشاعر (لهجة وسط و شمال غرب العراق _ بادية الجزيرة ) :



ما غاب طـَيف الولِف من يوم وَدّعتو
و گليبي بيدو أمانة وياه وَدّعتو
و نِخيت رَبّ العَـرش يا عالي و دِعيَـتو
تِلهَم رويحي الصَبر و تِـرجّع اللي غاب
هَمّيتو گلبي بعشِگ و بشوگ ما رِحتوه
و إن رحتو عن ناظري عن بالي ما رِحتو
ساري بدروب العشِگ و أدريني ما رَح توه
لاني دِليلي العشگ و الشوگ للأحباب






 

 

 


  رد مع اقتباس
قديم منذ /08-11-2011   #2

الذهبي
عضو نشيـط


 

 رقم العضوية : 49
 تاريخ التسجيل : Aug 2011
 المشارگات : 61


الذهبي غير متواجد حالياً
افتراضي

بارك اللة بيك يا اختي على هذا المجهود الرائع




 

 

 


  رد مع اقتباس
قديم منذ /08-12-2011   #3

miss moon

::قمـر المنتدى ::

الصورة الرمزية miss moon


 

 رقم العضوية : 67
 تاريخ التسجيل : Aug 2011
 المگان : IRAQ
 المشارگات : 5,922


miss moon غير متواجد حالياً
افتراضي

شكرااااااااا وقواك الله




 

 

 


  رد مع اقتباس
قديم منذ /08-14-2011   #4

عبيديه وافتخر


 

 رقم العضوية : 63
 تاريخ التسجيل : Aug 2011
 المگان : العراق
 المشارگات : 804


عبيديه وافتخر غير متواجد حالياً
افتراضي

شكرا الكم اتمنى الاستفاده
من الموضوع




 

 

 


  رد مع اقتباس
قديم منذ /08-14-2011   #5

محمد فلاح مسعد
المدير

الصورة الرمزية محمد فلاح مسعد


 

 رقم العضوية : 1
 تاريخ التسجيل : Jun 2011
 المگان : العراق
 المشارگات : 47,963


محمد فلاح مسعد غير متواجد حالياً
افتراضي

بارك الله فيك نورينا مثل هذه المواضيع الجميلة




 

 

 


  رد مع اقتباس
قديم منذ /08-21-2011   #6

عبيديه وافتخر


 

 رقم العضوية : 63
 تاريخ التسجيل : Aug 2011
 المگان : العراق
 المشارگات : 804


عبيديه وافتخر غير متواجد حالياً
افتراضي

انشالله عيوني ادلل
يسلمووووو




 

 

 


  رد مع اقتباس
قديم منذ /07-17-2012   #7

حزن الفواطم
جديد على المنتدى


 

 رقم العضوية : 1113
 تاريخ التسجيل : Jul 2012
 المشارگات : 17


حزن الفواطم غير متواجد حالياً
افتراضي

شكرا الف شكر على الموظوع المتميز والمعلومات الجميلة الي تساعدنا على معرفة الشعر اكثر




 

 

 


  رد مع اقتباس
قديم منذ /09-14-2012   #8

ملكة الليل

الصورة الرمزية ملكة الليل


 

 رقم العضوية : 1398
 تاريخ التسجيل : Sep 2012
 المگان : الامارت
 المشارگات : 26,441


ملكة الليل غير متواجد حالياً
افتراضي

روعة ما قدمتي لنا
زهور الرحمن لقلب الطيوب




 

 

 


  رد مع اقتباس
قديم منذ /09-24-2012   #9

علي العاشق
عضو نشيـط


 

 رقم العضوية : 1607
 تاريخ التسجيل : Sep 2012
 المشارگات : 29


علي العاشق غير متواجد حالياً
افتراضي

جميله اشعاركي موفقه




 

 

 


  رد مع اقتباس
قديم منذ /01-27-2013   #10

ناصر الموزاني
باند


 

 رقم العضوية : 2835
 تاريخ التسجيل : Jan 2013
 المشارگات : 22


ناصر الموزاني غير متواجد حالياً
افتراضي

كلمات جميله شكرا للانتقاء الرائع




 

 

 


  رد مع اقتباس
قديم منذ /02-24-2013   #11

miss sweet
عضو نشيـط

الصورة الرمزية miss sweet


 

 رقم العضوية : 3141
 تاريخ التسجيل : Feb 2013
 المگان : فوق رأس الــ اليحبوني & الــ يكرهوني
 المشارگات : 47


miss sweet غير متواجد حالياً
افتراضي

روعـــه غلاي ماننحرمشِ




 

 

 


  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قوانين قسم الشعر الشعبي للاقسام الادبيه عبيديه وافتخر الارشيف الكامل 5 08-26-2013 02:24 AM
حصرياً صور تيا ابنة نوال الزغبي 2014 , صور ابنة الفنانة نوال الزغبي 2015 محمد فلاح مسعد الارشيف الكامل 1 07-11-2013 09:52 PM
حصرياً صور بنت نوال الزغبي تيا 2014 , صور ابنة الفنانة نوال الزغبي تيا 2015 محمد فلاح مسعد الارشيف الكامل 1 07-11-2013 07:05 PM
تغيرات الشعر أثناء الحمل 2014 ، كثافة الشعر اثناء الحمل 2015 محمد فلاح مسعد الارشيف الكامل 1 07-10-2013 10:25 AM
من تراث العراقي رموز الشعر الشعبي ملكة الليل الارشيف الكامل 2 10-01-2012 02:40 PM


الساعة الآن 08:46 AM


Powered by vBulletin™ Version
Copyright © 2015 vBulletin Solutions, Inc. All rights reserved.

Privacy Policy

جميع الحقوق محفوظة لموقع مدرسة العراق الالكترونية